Post Header
OTW (परिवर्तनात्मक रसिक-कला मंडळ) ची ऑक्टोबर मधील सदस्यता मोहीम आता संपली आहे, आणि आम्हाला हे सांगायला खूप आनंद होत आहे कि हि मोहीम US$२१४,६९८.८६ उभारून संपत आहे. आम्हाला विशेषतः ह्याचा आनंद होत आहे कि ६,०२० देणगीदारांनी त्यांच्या देणगी बरोबर नवीन सदस्यता घेण्याचा किंवा नूतनीकरण करण्याचा निर्णय घेतला, आमच्या ४,५०० ह्या ध्येयापेक्षा खूप जास्त.
ह्या देणग्या ६,९५५ लोकांकडून आल्या आहेत जे ८६ देशात राहतात: ह्या प्रत्येकाला धन्यवाद, आणि त्यांना सुद्धा ज्यांनी ह्या मोहिमेबद्दल पोस्ट आणि शेयर केले! OTW च्या जगभरातील वापरकर्त्यांशिवाय हि संस्था अस्तित्वातच नसती, आणि आमच्यासाठी आपला चालू आधार हा आमचा अभिमान आणि आनंद आहे! आम्हाला ह्याचा खूप आनंद आहे कि रसिककृतींच्या आणि रसिक संस्कृतींच्या इतिहासाला आधार देण्याचे, सावरण्याचे आणि उपलब्ध करून देण्याचे आमचे मिशन पटण्यासारखे वाटतं त्या लोकांना जे सगळ्यात महत्वाचे आहेत: स्वतः रसिक.
जर आपला उद्देश असेल देणगी देणे किंवा सदस्य बनणे पण आपण अजून हे केले नसेल, तर काळजी करू नका! OTW पूर्ण वर्ष देणग्या स्वीकारते आणि आपण कधीही US$१० किंवा जास्त ची देणगी देऊन सदस्य बनू शकता. सदस्यता देणगी दिलेल्या दिवसापासून एक वर्ष वैध राहते. त्यामुळे जर आपण आत्ता देणगी दिलीत तर आपण पुढच्या वर्षीच्या संचालक मंडळाच्या निवडणुकांमध्ये आपले मत देऊ शकता, ज्या ऑगस्ट २०२५ मध्ये होणार आहेत. आणि जेव्हा पण आपण देणगी देता तेव्हा आमच्या अनन्य भेटवस्तू पण उपलब्ध आहेत!
OTW ही AO3, फॅनलोर, Open Doors (रसिकमुक्तद्वार प्रकल्प), TWC (परिवर्तनात्मक कलाकृती आणि संस्कृती) आणि OTW कायदे-विषयक मदत सहित अनेक प्रकल्पांची नफारहित पालक संघटना आहे. आम्ही एक फॅन-चलित, स्वयंसेवकांद्वारे कार्यरत संपूर्णपणे दाता-समर्थित संघटना आहोत. आमच्याबद्दल अधिक जाणून घ्या OTW वेबसाईटवर. स्वयंसेवक अनुवादकांची टीम, ज्यांनी ही पोस्ट अनुवादित केली आहे, त्यांच्या बद्दल अधिक जाणून घेण्यासाठी, भाषांतर पृष्ठ पहा.